Bjarni Guðjónsson skúrkur eða hetja

Bjarni Guðjónsson sem skoraði eitt óíþróttamannlegasta mark í sögu íslenskar knattspyrnu er líklega að spyrja sig núna hvort hann hafi tekið rétta ákvörðun. Hægt er að horfa á málið frá tveim hliðum eins og mörgum öðrum málum.

                Bjarni er líklega ekki sá vinsælasti í augum Keflvíkinga eins og er og ef hann vill komast í flug einhverntíman á næstu árum þarf að hann að keyra framhjá Keflavík og ekki vill Bjarni neitt slíkt á meðan Keflvíkingar eru með svona haturslegar tilfinningar gagnvart honum. Það sem leikmaðurinn þarf að gera er að játa á sig sökina núna þegar hitin er aðeins farinn að lækka og biðja alla Keflvíkinga afsökunar og einnig myndi það ekki eyðileggja að faðir Bjarna, þjálfari Guðjón Þórðason myndi leggja stolt sitt til hliðar og biðjast afsökunar á hvernig hann fór með liðið í byrjun síðasta tímabils. Tala ég núna sem Keflvíkingur og ég heyrði sjálfan mig segja að ég ætlaði að safna fúleggjum og kasta í Bjarna þegar hann kæmi til Keflavíkur að spila heimaleikinn en ég hef róast niður. Í guðanna bænum Bjarni ekki reyna að segja að þú hafir ekki hitt boltann ekki eftir að þú varst að koma úr atvinnumennskunni allaveganna ef Bjarni ætlar grafa þetta án stiganna þriggja.

                Skagamenn eru líklega ekki stoltir af Bjarna en líta líklega á þetta þannig að Bjarni myndi gera allt til þess að eigna liði sínu þrjú stigin og kanski elska hann fyrir vikið. Ekki er skrítið að Bjarni elski lið sitt þar sem ásamt Bjarna spilar bróðir hans Þórður og faðir þeirra þjálfar, eini úr fjöskyldunni sem vantar er Jói Kalli. En í guðanna bænum Skagamenn ekki reyna að afsaka þetta með lélegum afsökunum því Keflvíkingar taka þær aldrei í mál. Biðjist afsökunar og byrjiði á að grafa þetta mál eins djúpt niður með að láta sjást að þið skammist ykkar fyrir þessa hegðun.

Kv. Arnór

               

Skagamenn lögðu Keflvíkinga á dramatískan hátt

Athugasemdir

[Þröstur Heiðar Þráinsson (IP-tala skráð) 5.7.2007 kl. 03:44]

Þarf að byðja ofbeldismenn afsökunar ?  Svona tilraunir til að enda feril leikmanns eins og leikmaður keflavíkur gerði sig sekan um er óafsakanleg. Brotið var þess eðlis að það var það ljótasta sem ég hef séð í mörg ár. Svipað brot endaði næstum feril leikmanns keflavíkur þegar hann spilaði gegn ÍBV.

Svo ekki sé minnst á líkamsárásir í Vallarhúsi eftir leik. Fáir Keflvíkingar virðast vilja tjá sig um það.

 Persónulega fannst mér Guðjón fara ylla með Keflavík þegar hann fór. Hinsvegar þá kom aldrei kæra frá Keflavík. Enda rök Guðjóns um launagreiðslur og vesen tengt þeim greinilega sannar. Þannig lítur málið allavegana út þangað til Keflvíkingar sanna annað.

 Bjarni hefur aldrei reynt að vinna með óheiðarlegum hætti á sínum ferli. Af hverju telur þú að þetta hafi verið vísvitandi hjá honum núna ? Þetta er af 40 metra færi ! Hann þarf að hafa spyrnugetu á við David Becham og óheiðarleika á við Lalla Jons til að framkvæma það sem þú telur.

Það óafsakanlega var hinsvegar að ÍA skildi ekki leifa Keflavík að skora í kvöld. Þannig hefðu þeir kvittað fyrir slysið.

Fyrir það skammast ég mín ekki annað. Klúbburinn minn klikkaði á því Fair-Play dæmi.

[Böðvar Pétursson (IP-tala skráð) 5.7.2007 kl. 09:58]

Bæði lið voru með óafsakanlega hegðun í leiknum í kvöld og ættu bæði að skammast sín. Bjarni með þessa heimskulegu ákvörðun sína (maður skýtur ekki í átt að marki í svona aðstöðu), markmaður ÍA fyrir þetta villimannslega olbogaskot, leikmaður Keflavíkur sem strauaði Bjarna og síðan þeir leikmenn sem reyndu að buffa manninn á leiðinni í búningsklefann. Ætti að fella bæði þessi lið.

[Guðmundur Ásgeirsson, 5.7.2007 kl. 12:26]

Ef ég eða einhver sem ég þekki kæmi svona fram á sínum vinnustað yrði sá hinn sami líklega umsvifalaust rekinn. Skv. því ætti a.m.k. að gilda að þeir leikmenn sem þiggja laun eða aðrar greiðslur fyrir leik sinn og brjóta svona af sér af einskærum ásetningi eins og virðist þarna hafa gerst, verði sviptir þeim og látnir taka pokann sinn. Ef eitthvað er þá ættu þeir sjálfir að hafa frumkvæði að því að viðurkenna brot sín og snúa sér að öðrum störfum en fótbolta þar sem þeir eru greinilega ekki á réttri hillu í lifinu, hagandi sér svona eins og villimenn. Nú ætla ég ekki að reyna að leggja mat á hver sé sekur um slíkt og hver ekki þar sem ég sá ekki einu sinni leikinn, en það verða viðkomandi leikmenn að eiga við eigin samvisku og taka til sín sem það eiga. Einnig vil ég taka fram að ég hef engra hagsmuna að gæta, er ekki stuðningsmaður fótboltaliða yfir höfuð, en ég er fyrst og fremst að gagnrýna þetta grófa ofbeldi og villimannslegu hegðun sem því miður einkennir margar íþróttir þar sem þó er ætlast er til að snerting leikmanna við hvorn annan sé í lágmarki. Ef menn bera enga virðingu fyrir reglum leiksins þá eiga þeir alls ekki skilið að spila hann, hvað þá að vera hampað fyrir leik sinn með nokkrum hætti! Amen.